E Freideg 8.12.2017 war nees déi traditionnell Schëfflénger Rentnerfeier am Hall Polyalent zu Schëffleng, dee mat iwwer 400 Leit ganz gutt gefëllt war. No den Usprochen vum neie Buergermeeschter Paul Weimerskirch an dem President vun der Seniore-Commissioun Pierrot Feiereisen hu sech d'Pensionnäre gutt ameséiert bei engem gudde kalen Teller mat Lëtzebuerger Spezialitéiten, engem Stéck Bûche a mat der Stëmmungs- a Chrëschtmusek vum Käpt'n Ändä, dem Matrous K1000, dem Lisa an den Hüette Maria a Susana! Un um Enn kruten se och nach gudde Wäin als Kado mat heem.

Photos: Tom Jean